Te Ine me te Āhuahanga
Te Ine
| Taumata | Kōwae Ako | Whāinga Paetae |
Whakamārama |
| 1 | Inenga Whakatairite | 1 4 6 |
Ka tūhurangia te kaupae tuatahi o te ine, arā, te whakatairite i te rahi o ētahi mea. E toru ngā ngohe e aro ana ki te roa, te taumaha me te kītanga. |
| 1 | Taku Tinana | 1 2 3 4 5 |
Ka tūhurangia ngā waeine aro kē mō te roa. |
| 1 | Te Teiteitanga me te Haurua i te Hāora |
1 4 5 |
He tirotiro i ngā wehenga o te rā; he titiro i ngā teiteitanga me ngā haurua o ngā hāora i te karaka me ngā mahi/kaupapa o aua wā. |
| 1 | Pēhea nei te Tāroaroa? | 1 | He tūhura i tēnei mea te ine. Ka whakamahia he aho hei ine i te roa o ētahi wāhanga o te tinana, ka raupapahia ngā inenga, ka whakatau tata hoki i ngā inenga. |
| 2 | 2 | ||
| 2 | He Uhi Pukapuka – Te Ine I Te Roa |
1 2 3 4 5 |
He āta titiro ki te roa o te mitarau (cm), he hanga ruri mitarau, he whakamahi hoki i ngā ruri ki te ine i ētahi taputapu. |
| 2 | He Koki | 1 2 |
E hāngai ana tēnei kōwae ako ki te rauemi matihiko, te ‘Koki’. Ko tā te rauemi nei, he āwhina i te ākonga ki te whiriwhiri i te rahi o tētahi koki, mā te whakamahi i tētahi koki kē atu hei waeine. He āhua ōrite tēnei kōwae ako ki te kōwae ako reo Ingarihi Angles. |
| 3 | Te Ine I Te Roa | 1 2 5 6 |
He āta tirotiro i ngā waeine ngahuru mō te roa, te hononga o tētahi ki tētahi, te whakamahi i ngā taputapu ine, me te whakatau tata i te roa o tētahi mea. Ka whai wāhi mai ko te mitamano, te mitarau, me te mita. Ko te tuhi hoahoa/mahere āwhata tētahi o ngā mahi. |
| 3 | He Kēmu Hākinakina | 1 2 5 6 |
He tirotiro i ngā momo huarahi e inea ai te rōrahi wai, he tūhura i tētahi kēmu hākinakina me te pūnaha whiwhinga mō taua kēmu, he tuhi kauwhata hoki. |
| 3 | Te Kītanga Me Te Papatipu |
1 2 5 6 |
He tirotiro i ngā waeine o te rita (l) me te ritamano(ml) hei ine kītanga, me te hono ano o te kītanga o tētahi ipu ki te papatipu o te wai ka taea te whakauru ki taua ipu. Tāpiri atu ki tēnā, ko te hononga o te kītanga (l/ml) ki te rōrahi o tētahi mataono (cm3). |
| 3 | Te Koki | 1 2 5 6 |
Ka tirohia ngā wāhi e kitea ai te koki, pērā i te huri o ngā ringaringa o te karaka, te huri o ētahi wāhanga o te tīnana, me te huri o te kūaha. Ka ākona hoki te hononga o te huringa me te tākiri hei whakaatu i te rahi o tētahi koki. |
| 3 | Inea | 1 2 5 6 |
He tūhura i te kītanga, te rōrahi me te taumaha, me te hononga o tētahi ki tētahi. He mahi ā-ringa te nuinga o ngā mahi. |
| 4 | Tauira Āhuahanga | 1 | Ka āta tirohia ngā tauira ka hua mai i ētahi horopaki āhuahanga, pērā i te hononga o te paenga me te horahanga o te tapawhā hāngai. I takea mai tēnei kōwae ako i te kōwae ako reo Ingarihi You Can Count On Square. |
| 4 | Te Paemahana | 1 | Ka āta tirotiro i te taputapu ine-mahana, me ētahi horopaki a pā ana ki te paemahana. Ka whai wāhi atu ko te tau tōraro, te ōwehenga me te tuhi kauwhata. Ko ētahi wāhanga o tēnei kōwae ako he mea tiki atu i te kōwae ako reo Pākehā Cool Times With Heat. |
| 4 | Te Rōrahi | 1 | He tirotiro i te tikanga o te rōrahi, he tātai i te rōrahi o te poro-tapawhā hāngai, he tirotiro hoki i te hononga o te rōrahi me te horahanga papa. |
| 4 | Te Wā me Te Wātaka | 1 | He tirotiro i te tikanga o te wā-rua tekau mā whā, he tātai i te wā, me te whakatakoto kōrero e pā ana ki tētahi wātaka. |
| 4 | Horahanga Tapatoru | 1 | He tūhura, he kimi i te ture mō te tātai i te horahanga o tētahi tapatoru, he whakamahi hoki i taua ture. Ka whakapakari anō i ngā rautaki mō te whakarea me te whakawehe. |
Te Hanga
| Taumata | Kōwae Ako | Whāinga Paetae |
Whakamārama |
| 1 | Torotoro Āhua | 7 8 9 |
He torotoro i ētahi āhua ahu-2, me ētahi āhua ahu-3, he whakarōpū, he whakaingoa i aua āhua, kia mārama ai te tamaiti ki ngā āhuatanga motuhake. |
| 3 | Te Tapatoru | 7 | Ka āta tirohia ngā momo tapatoru motuhake, arā, te hanga, te whakaingoa, te whakaahua, me te whakamahinga o te tapatoru i roto i ā tātou mahi toi. |
| 4 | Te Paenga Porowhita |
2 | He tūhura i pānga o te whitianga o tētahi porowhita me tōna paenga. Ka tuhi porowhita, ka ine, ka tātai hoki i te roa o te pūtoro, te whitianga me te paenga. |
| 5 | Te Waihanga | 6 | He tūhura me pēhea te waihanga i ētahi āhua, me ngā āhuatanga hangarite o aua āhua. Ka whakamahia te tāporowhita me te ruri hei waihanga āhua. |
Te Wāhi me te Ahunga
| Taumata | Kōwae Ako | Whāinga Paetae |
Whakamārama |
| 2 | Mahere Tukutuku | 8 | Ka tūhurangia te whakamahinga o te tukutuku hei tautohu pūwāhi, hei tautohu ara anō hoki. |
| 4 | Te Ahunga me te Taunga |
5 | He tūhura i ngā tikanga o te whakaatu i te ahunga me te taunga o tētahi haere. Ka torotoro atu ki ngā mātauranga o ngā mātua tīpuna, me ngā mātauranga e whakamahia whānuitia ana i ēnei rā mō ēnei kaupapa. Ka whakaakona ngā ahunga matua, me ngā ahunga tākiri o te kāpehu. Ka whakaakona hoki tēnei mea te tukutuku hei whakaatu taunga ki te mahere. |
| 5 | Ōwehenga Pākoki | 9 | He tūhura i ngā ōwehenga pākoki e rua nei, te aho (sin) me te whenu (cosine). Ka tirohia ngā ōwehenga o ngā tapa o tētahi tapatoru hāngai, me te whakamahinga o aua ōwehenga hei tātai i tētahi tapa, hei tātai rānei i tētahi o ngā koki. |
| 5 | Pātapa | 9 | He tūhura i te tikanga o tēnei mea te pātapa, he whakamahi hoki i te pātapa hei whiriwhiri i te roa o ngā tapa me te rahi o ngā koki o tētahi tapatoru hāngai. Kia rua wiki pea te roa o tēnei kōwae ako. I takea mai tēnei kōwae ako i te kōwae ako reo Ingarihi Investigating the Idea of Tan. |
Te Panoni
| Taumata | Kōwae Ako | Whāinga Paetae |
Whakamārama |
| 4 | Paheko Panoni | 6 7 |
Ka tūhurangia te āhuatanga kōaro o ētahi panoni e rua, te tūmau me te kōaro o ngā panoni. Ka whai wāhi mai hoki te hangarite o ētahi āhua. He mea pūtake mai tēnei kōwae ako i te akoranga kei te pae tukutuku nei: http://illuminations.nctm.org/LessonDetail.aspx?ID=L566 |
| 4 | Rōpinepine Taparau |
2 7 |
Ka tūhurangia te te āhua o te rōpinepine i ētahi taparau. He mea pūtake mai tēnei kōwae ako i te kōwae ako reo Ingarihi Fitness. |
