Ngā Kōwae Ako Reo Māori o nzmaths

Kei tēnei wāhanga o te pae tukutuku, ētahi kōwae ako e hāngai ana ki ia whenu o te marautanga pāngarau. Pāwhiria te whenu e hiahia ana koe.

Te Tau me te Taurangi

Te Ine me te Āhuahanga

Te Tauanga

Ko tētahi o ngā whāinga matua o ngā kōwae ako nei, he whakapakari i ā tātou tamariki:

• kia māia, kia mauritau ki ā rātou mahi pāngarau;
• kia pai te whakaputa i ō rātou whakaaro pāngarau;
• kia mātau ki ngā rautaki tātai ā-hinengaro me ngā rautaki whakaoti rapanga.

 
Kotahi wiki, e rua wiki rānei te roa hei whakatutuki i ngā mahi o ia kōwae ako.

Mō ia kōwae ako, e whakaaturia ana:

• He kōrero poto hei whakamārama i te whānuitanga o te kaupapa.
• Ngā hononga ki te marautanga, arā, ngā whenu, ngā taumata me ngā whāinga paetae.
• Ngā whāinga ako.
• Ngā tikanga pāngarau matua o roto i te kaupapa.
• Ngā rauemi me matua whiwhi hei whakatutuki i ngā mahi.
• Ngā kupu whai tikanga me te whakapākehātanga o aua kupu.
• Te raupapa i ngā mahi ako. Arā, ko te whakahīkoi i te kaupapa.

 
Mō ētahi o ngā kaupapa, kua whakaritea he whārangi mahi hei whakaoti mā ngā ākonga. Pāwhiria te ingoa o te whārangi mahi, ka puta taua whārangi ki te mata o tō rorohiko, hei tuku māu ki tō pūrere tā.

Ko te tūmanako he āwhina kei ngā kōwae ako nei hei whakapiki i ā tātou tamariki kia eke i ngā taumata o te pāngarau.